Erërat e fuqishme në Gjakovë shkaktojnë dëme materiale në fshatra
Erërat e fuqishme në Gjakovë shkaktojnë dëme materiale në fshatra
Reshjet e dendura të shiut dhe erërat e fuqishme kanë prekë rajonin e Gjakovës, duke shkaktuar dëme materiale në disa lokalitete. Ndër të dëmtuar janë drunjë të rrëzuar dhe shtylla të rrjetit elektrik, duke vënë në rrezik sigurinë e qarkullimit në zonë.
Zëdhënësja e Policisë së Kosovës për rajonin e Gjakovës, Vlera Krasniqi, ka konfirmuar se rastet janë raportuar në fshatrat Gërgoc dhe Cërmjan.
“Sipas informacioneve të para nga terreni, si pasojë e motit të ligë, në fshatrat Gërgoc dhe Cërmjan janë raportuar disa raste të rrëzimit të drunjëve, si dhe dëmtim të shtyllave elektrike. Njësitë përkatëse të Policisë kanë dalë menjëherë në vendin e ngjarjes, ndërsa janë njoftuar edhe shërbimet emergjente komunale. Në bashkëpunim me institucionet përgjegjëse është ndërhyrë në terren dhe aktualisht rrugët në këtë zonë janë të qarkullueshme”, deklaroi Krasniqi për Klankosova.tv.
Autoritetet kanë bërë thirrje qytetarëve që të tregojnë kujdes gjatë lëvizjes, pasi kushtet atmosferike mund të shkaktojnë rreziqe të tjera në zona të ndryshme të rajonit.
Me pak fjalë
Erërat e fuqishme dhe reshjet intensive në Gjakovë kanë shkaktuar dëme materiale në fshatrat Gërgoc dhe Cërmjan. Autoritetet kanë ndërhyrë për të siguruar qarkullimin e rrugëve, ndërsa janë bërë thirrje për kujdes të shtuar nga ana e qytetarëve.
Personat e përmendur
- Vlera Krasniqi - Vlera Krasniqi
Burimi i lajmit: klankosova.tv
Shënim: Ky material është përpunuar për qëllime informimi nga Portali Kosova.Today.
