Fjala hyrëse e gjykatësit Smith: Çështja lidhet me veprimet e të akuzuarve, jo me legjitimitetin e UÇK

Gjyqtari Charles Smith në hapje të seancës ku do të jepet vendimi për ish-krerët e UÇK’së, Hashim Thaçi, Kadri Veseli, Jakup Krasniqi dhe Rexhep Selimi, tha se kjo çështje gjyqësore nuk ka të bëjë me legjitimitetin e UÇK’së dhe qëllimet e saj për pavarësimin e Kosovës.

“Ka të bëjë me veprimet dhe sjelljen e të akuzuarve. Ka të bëjë vetëm me fakte dhe rrethana që lidhen me akuzat kundër të akuzuarve. Kjo cështje s’ka të bëj me legjitimitetin e UCK’së dhe synimin e saj për një Kosovëe të pavarur. Nuk ka të bëjë me vlerësimin e përgjegjësive të njërës palë kundër palës tjetër. Nuk ka të bëjë me krime që forcat dhe paramilitarët serbë kanë kryer kundër shqiptarëve të Kosovës. Kjo cështje s’ka të bëjë me kurrfarë pretendimi për vetëmbrojtje”.

Trupi gjykues që po shqipton aktgjykimin ndaj Hashim Thaçit, Kadri Veselit, Rexhep Selimit dhe Jakup Krasniqit kryesohet nga gjykatësi Charles Smith.

Burimi i lajmit: orainfo.net
Shënim: Ky material është përpunuar për qëllime informimi nga Portali Kosova.Today.