Hakmerret Kanadaja/ Carney: Tarifë 25 për qind për makinat nga SHBA

Kanadaja do të vendosë një tarifë prej 35% për të gjitha automjetet e importuara nga Shtetet e Bashkuara që nuk përfshihen në Marrëveshjen e Tregtisë që dy vendet kanë.

Taksa është e njëjtë sa ajo që ka vendosur Donald Trump për automjetet që nuk janë prodhuara në Shtetet e Bashkuara.

“Siç i thashë Presidentit Trump gjatë telefonatës sonë javën e kaluar, Kanadaja do t’i përgjigjet tarifave të automjeteve të SHBA-së dhe sot, unë po njoftoj se Qeveria e Kanadasë do të përgjigjet ne perputhje me qasjen e SHBA me tarifa 25% për të gjitha automjetet e importuara nga Shtetet e Bashkuara që nuk janë në përputhje me Marrëveshjen tonë të Tregtisë së Lirë të Amerikës së Veriut”.

Si reagim ndaj tarifave të Trump, Carney ra dakord me kancelarin gjerman në largim Olaf Scholz që të forcojnë marrëdhëniet tregtare mes dy vendeve.

Carney ka vendosur t’i drejtohet vendeve të tjera si partnerë alternativë të tregtisë për të reduktuar varësinë e Kanadasë nga Shtetet e Bashkuara, të cilën nuk e cilëson më si një partner të besuedhëm tregtar.

“Ndërsa përballemi me krizën e shkaktuar nga tarifat e Presidentit Trump, partnerët e besueshëm tregtarë janë më të rëndësishëm se kurrë”, shkroi Carney në mediat sociale.

Goditja ndaj Trump filloi edhe në Shtetet e Bashkuara, ku Senati miratoi me një diferencë të ngushtë votash një projektligj që synon t’i japë fund tarifave për Kanadanë. Me 51 vota pro dhe 48 kundër, Senati i dha dritën jeshile ligjit, i cili tani kalon për shqyrtim në Dhomën e Përfaqësuesve. Kjo përbën një goditje për Trumpin, pasi katër senatorë republikanë u rreshtuan krah demokratëve për ta avancuar këtë nismë. Projektligji, i propozuar nga demokratët, kërkon të shfuqizojë emergjencën kombëtare të shpallur nga presidenti më 22 janar, e cila ishte lidhur me importin e paligjshëm të fentanylit nga Meksika, Kanadaja dhe Kina. Trump e përdori këtë emergjencë si bazë për të vendosur tarifa të reja mbi Kanadanë.

/ abcnews.al