Hashim Thaçi mbetet në paraburgim pas refuzimit të Hagas
Hashim Thaçi mbetet në paraburgim pas refuzimit të Hagas
Zyra e Prokurorit të Specializuar (ZPS) ka refuzuar kërkesën e mbrojtjes së Hashim Thaçit për lirim të përkohshëm. Sipas dokumentit të ZPS-së, ish-presidenti i Kosovës duhet të mbetet në paraburgim gjatë procesit gjyqësor.
Kryeprokurorja amerikane, Kimberly West, ka theksuar se përparimi i shpejtë i këtij procesi gjyqësor mbështet vazhdimin e paraburgimit të Thaçit. Në dokumentin e ZPS-së thuhet se ekzistojnë rreziqe të vazhdueshme sipas nenit 41(6)(b), të cilat i atribuohen Thaçit.
“Konstatimet mbi ekzistencën e rreziqeve mbeten të vlefshme. Ato janë bërë mbi bazën e një numri të madh faktorësh të arsyetuar dhe të individualizuar, dhe asnjë kusht i mundshëm për lirimin e tij nuk mund t’i zbusë ato në mënyrë të mjaftueshme”, thuhet në dokumentin e ZPS-së.
Prokurorja West ka përmendur gjithashtu rrezikun për kryerjen e veprave të tjera penale dhe ndëhryjen në procedura gjatë kohës që Thaçi do të ishte në lirim.
Me pak fjalë
Zyra e Prokurorit të Specializuar ka refuzuar kërkesën e mbrojtjes së Hashim Thaçit për lirim të përkohshëm. Dokumenti i ZPS-së thekson se ekzistojnë rreziqe të vazhdueshme, duke mbështetur vendimin për të mbajtur Thaçin në paraburgim gjatë procesit gjyqësor.
Personat e përmendur
- Hashim Thaçi - Hashim Thaçi
- Kimberly West - Kimberly West
Burimi i lajmit: ina-online.net
Shënim: Ky material është përpunuar për qëllime informimi nga Portali Kosova.Today.
