“Jeni me dy standarde”, Spiropali ironizon opozitën për drejtësinë: Armiqtë në litar, shokët e partisë të lirohen menjëherë

Ministrja e Shtetit për marrëdhënien me Parlamentin, Elisa Spiropali, theksoi gjatë fjalës së saj, se rruga e Partisë Socialiste me atë të opozitës është e ndarë sa i përket reformës në drejtësi.

Spiropali tha se opozita e mallkon drejtësinë si organizatë kriminale, ndërsa PS mbështet punën e saj.

Ministrja nuk i kurseu ironitë edhe për ish-kryeministrin Sali Berisha i cili prej 30 qershorit ndodhet në arrest shtëpie,

“Edhe sot dëshmuat se sa e ndarë është rruga jonë sa i takon drejtësisë. Lundra juaj që po merr ujë, ka humbur edhe GPS-në. Paradite në revolucionin me orar te bashkia e Tiranës i kërkoni SPAK-ut të arrestojë Veliajn, në darkë te rrugica e doktorit, Oerd ju mallkoni SPAK-un si organizatë kriminale. Për të mos folur për gardistët e kuq që shoqërojnë Sali Berishën si të pandehur në dyert e SPAK-ut dhe bërtasin poshtë SPAK-u dhe po të njëjtët gardistë të kuq, kur shkon kryetari i bashkisë, bërtasin me të madhe; në burg qeni! Kujt ia shisni këtë standard të drejtësisë. Armiqtë në litar, shokët e partisë të lirohen menjëherë. A kemi rënë dakord që duhet të kemi një sistem drejtësie ndryshe që nuk është i kapur dhe bën drejtësi, me standarde dhe proces ligjor, për të gjithë njësoj nga ai me cigare me hashash e deri te ai që ka qenë kryeministër e kryetar Parlamenti ai tjetri. Molotovët që ju hidhni nuk janë të mjaftë të mbushni të gjithë hendekun politik, moral dhe strategjik që ju keni me ne dhe PS-në. Gjithë fajin e ka ai në ballkon. Përpiquni të keni arsye. Ju dhe humbja jeni një binom i pandashëm, nuk mund t’ua përmendësh fjalën disfatë sepse jeni njësoj si ai binomi kur thua Partia Demokratike ke thënë Saliu. Për kulturën tonë ende të vjetër të qasjes ndaj drejtësisë, ka një ndjesi të përgjithshme hakmarrjeje, represioni që e frymëzoni ju dhe mediat e paguar prej jush qoftë në shoqëri dhe politikë dhe disa segmente të drejtësisë”, tha Spiropali.

Tags Kerko

Kete lajm mund ta gjeni direkt ne linqet me posht:
Ministrja Shtetit Parlamentin Elisa Spiropali Partis Socialiste Berisha Lundra Paradite Tiran Veliajn Berish Armiqt Parlamenti Molotov Gjith Partia Demokratike Saliu

Kerko ne Google fjalet :

Kliko mbi fjalet me posht shfaqet kerkimi:
Ministrja Shtetit Parlamentin Elisa Spiropali Partis Socialiste Berisha Lundra Paradite Tiran Veliajn Berish Armiqt Parlamenti Molotov Gjith Partia Demokratike Saliu

Shiko videon ...