Kanadaja, tarifa Amerikës/ Hakmerret ndaj Trump, tarifa 25 përqind për energjinë

Ontario, provinca më e populluar e Kanadasë, ka vendosur të rrisë tarifat për energjinë elektrike që i dërgon shteteve të SHBA-së me 25% si masë hakmarrëse ndaj tarifave të vendosura nga Presidenti Donald Trump për mallrat kanadeze.-  Udhëheqësi i Ontarios, Doug Ford, konfirmoi këtë lëvizje në një konferencë shtypi të hënën, duke theksuar se kostot do të rriten me 10 dollarë  për megavat-orë për klientët amerikanë, duke prekur rreth 1.5 milionë shtëpi dhe bizneze  në shtetet kufitare si Nju Jorku, Miçigani dhe Minesota.

“Ne do të ushtrojmë presion maksimal për të mbrojtur veten tone. Do te vemë tarifa prej 25% në eksportet e energjisë elektrike ndaj Shteteve të Bashkuara të Amerikës.  E gjitha kjo do tiu kushtojë 1.5 milionë familjarëve dhe bizneseve deri në 400 mijë dollarë në vit. E thënë ndryshe 100 dollarë më shumë në faturat e energjiësë për familjarët amerikan. Nuk do të hezitojë ta rris këtë tarif nëse Donald Trump kërkon përshkallëzim. Detyra ime është të mbrojë popullin tim.”

Ford theksoi se kjo shtesë do të qëndrojë në fuqi derisa kërcënimi i tarifave nga SHBA “të zhduket përgjithmonë”. Ai e konsideroi politikën e tarifave të Trump një “fatkeqësi” për ekonominë amerikane, duke shtuar se këto masa po e bën jetën më të shtrenjtë për bizneset dhe familjet amerikane. Për më tepër, ai njoftoi se të ardhurat që do të mblidhen nga rritja e tarifave do të përdoren për të mbështetur punëtorët dhe bizneset kanadeze që janë të ndikuara nga tarifat e SHBA-së.

Kjo lëvizje e Ontarios vjen në kuadër të një tensioni të mëtejshëm tregtar mes dy vendeve, pasi Kanada ka vendosur gjithashtu tarifa të reciprocitetit për mallrat amerikane me vlerë 30 miliardë dollarë, që përfshijnë produkte të ndryshme si veshjet, parfumet  dhe lëngun e portokallit.

Presidenti Trump ka kërcënuar vazhdimisht Kanadanë me një tarifë totale prej 25% për të gjitha eksportet kanadeze në SHBA, një masë që ekonomistët kanë paralajmëruar se mund të çojë në humbje vende pune në Kanada dhe në rritje të çmimeve për amerikanët. Në një përpjekje për të lehtësuar pasojat e politikave të tij, Trump së fundmi ka krijuar disa përjashtime për prodhuesit e makinave dhe mallrat e transportuara sipas marrëveshjes SHBA-Meksikë-Kanada ,ndërkohë që ka ulur tarifat për potasin, një përbërës i rëndësishëm për plehrat e nevojshme nga fermerët amerikanë, nga 25% në 10%.

Të gjitha këto lëvizje po krijojnë një klimë pasigurie dhe tensioni në marrëdhëniet tregtare midis SHBA dhe vendeve të tjera, duke përfshirë Kanadën dhe Meksikën./abcnews.al