Kosova drejt zgjedhjeve të reja, dështon marrëveshja për presidentin

Kosova është drejt zgjedhjeve të parakohshme parlamentare pas dështimit të arritjes së një marrëveshjeje politike për zgjedhjen e presidentit të ri.

Të hënën, ofertën e Lëvizjes Vetëvendosje dhe Albin Kurtit e refuzuan Lidhja Demokratike e Kosovës dhe Partia Demokratike e Kosovës. Dy partitive opozitare, Kurti u ofroi postin e kryeparlamentarit, por të njëjtët e refuzuan për shkak të insistimit të këtij të fundit për të mbajtur presidentin brenda Vetëvendosjes. Njohësit e shohin ofertën e Vetëvendosjes dhe takimet si joserioze.

Dështimi i negociatave me dy partitë opozitare e lë Vetëvendosjen pa opsione për marrëveshje të tjera në mungesë të kuorumit prej 80 deputetësh që duhet për zgjedhjen e kryetarit të shtetit. Tashmë konsiderohet që ka nisur edhe fushata elektorale e qëllimi kryesor i partive, sipas njohësve të politikës së brendshme edhe gjetja e një fajtori për shkuarjen e vendit në zgjedhje parlamentare edhe një herë.

Kanë mbetur edhe një javë deri në përfundimin e afatit kushtetues për zgjedhjen e presidentit të ri të vendit. Në rast se më 28 prill dështon zgjedhja e kreut të shtetit, Kosova shkon në zgjedhje të parakohshme parlamentare më së largu më 7 qershor.

Burimi i lajmit:opinion.al
Shënim: Ky material është marrë nga burime publike në internet dhe është përpunuar për qëllime informimi nga Portali Kosova.Today.Portali nuk mban përgjegjësi për përmbajtjen origjinale të publikuar nga burimi. Nëse keni ankesa apo kërkesa për heqje materiali, ju lutem na kontaktoni në facebook/KosovaToday Faleminderit për mirëkuptimin.