Kosova prezanton ekipin për Taranto 2026

Kosova ka prezantuar ekipin që do të marrë pjesë në Lojërat Mesdhetare Taranto 2026, të cilat do të zhvillohen nga 21 gushti deri më 3 shtator në Itali.

Në kuadër të ceremonisë së organizuar nga Komiteti Olimpik i Kosovës u bë edhe dorëzimi i flamurit të Republikës së Kosovës, përcjell albinfo.ch.

Flamuri iu dorëzua boksieres Donjeta Sadiku dhe taekwondistit Bleron Ademi nga kryeministri Albin Kurti dhe presidenti i Komitetit Olimpik të Kosovës, Ismet Krasniqi.

Kosova do të përfaqësohet me gjithsej 163 sportistë, duke pasur delegacionin më të madh të saj deri më tani në Lojërat Mesdhetare.

Pjesë e delegacionit do të jetë edhe ekipi i boksit, i cili synon rezultate të reja pas paraqitjeve dhe medaljeve të fituara në edicionet e mëparshme të kësaj gare.

Lojërat Mesdhetare Taranto 2026 do të mbledhin sportistë nga vendet e rajonit të Mesdheut, ndërsa Kosova do të garojë në një numër të madh disiplinash sportive.

The post Kosova prezanton ekipin për Taranto 2026 appeared first on Albinfo.

Burimi i lajmit: albinfo.ch
Shënim: Ky material është përpunuar për qëllime informimi nga Portali Kosova.Today.