Një helikopter dhuratë për Ukrainën/ Vullnetarët çekë mbledhin fonde për blerjen e një “Black Hawk”

Mijëra çekë janë bërë bashkë në këto kohë të vështira për Ukrainën, për ta mbështetur në luftën kundër Rusisë.

Ata kanë mbledhur mjaftueshëm para sa për të blerë një helikopter Black Hawk. Nisma u quajt “Një dhuratë për Putin” dhe mbledh fonde për ushtrinë ukrainase.

Rritja e donacioneve filloi sidomos në shkurt, pas përplasjes së Donald Trump me Volodymyr Zelenky në Uashington.

Mijëra çekë ia dolën të mblidhnin 72.3 milionë koruna (2.9 milionë dollarë) për të blerë një helikopter Black Hawk për inteligjencën ushtarake të Ukrainës

Organizatorët thonë se helikopteri do të merret nga SHBA pasi është më i përballueshëm se blerja në vend.

“Ne donim të tregonim se njerëzit e zakonshëm mund të bëjnë një ndryshim të vërtetë. Ky nuk është thjesht një donacion – është një mesazh solidariteti”, tha një nga drejtuesit e fushatës.

Vala e mbështetjes shkon përtej vetëm një fushate. Grupe të tjera të ndihmës humanitare dhe ushtarake kanë parë gjithashtu një rritje të donacioneve./abcnews.al