Policia kërkon ndihmën e qytetarëve për kapjen e një personi, dyshohet për dy vepra penale

Policia e Kosovës ka shpalllur në kërkim një person. Ai dyshohet për dy vepra penale ‘’Vjedhje e rëndë dhe vjedhje në tentativë’’.

‘’Policia e Kosovës, respektivisht sektori i hetimeve të kryeqytetit, mbështetur në autorizimin  e nxjerrë nga Prokuroria Themelore – Departamenti i Përgjithshëm në Prishtinë, paraqet para jush  fotografinë e të dyshuarve të shpallur në kërkim, të dyshuar për implikim në veprat penale : Vjedhja e rëndë dhe Vjedhja në tentativë’’.

Lidhur me këtë Policia po kërkon edhe ndihmën e qytetarëve.

‘’Me qëllim të zbatimit efikas të procedurës, në hetimin që po zhvillohet për disa raste të vjedhjeve të rënda të ndodhura në disa lagje të kryeqytetit, kërkojmë nga publiku i gjerë kontributin qytetar që me  informacionet e tyre të ndihmojnë në drejtim të identifikimit  të personave të dyshuar sipas tipareve fizike apo  lokalizimin e  vendndodhjes së të dyshuarve të shpallur në kërkim’’, thuhet në njoftim.