Zvicra shton kontrollet për vinjetën, 191 shoferë gjobiten pranë Bazelit

Autoritetet zvicerane kanë intensifikuar kontrollet për vinjetën e autostradave, ndërsa afro 200 shoferë janë kapur duke hyrë në Zvicër pa vinjetë të vlefshme gjatë kontrolleve të fundit pranë Bazelit.

Zyra Federale për Doganat dhe Sigurinë Kufitare ka ndaluar gjithsej 191 automjete në dy pika kufitare, drejtuesit e të cilave nuk kishin vinjetën e nevojshme për përdorimin e autostradave zvicerane.

Secili prej shoferëve është detyruar ta blejë vinjetën në vend, si dhe të paguajë një gjobë prej 200 frangash zvicerane, transmeton albinfo.ch.

Interesant është fakti se shumica e personave të kapur nuk ishin turistë apo drejtues të huaj. Nga 191 raste, 111 ishin shoferë zviceranë.

Vinjetë e vlefshme kërkohet për përdorimin e autostradave në Zvicër. Autoritetet rikujtojnë se drejtuesit mund ta harrojnë këtë detyrim, veçanërisht kur kthehen në vend pas një udhëtimi jashtë Zvicrës.

Kontrollet e fundit tregojnë se autoritetet po i kushtojnë vëmendje respektimit të këtij detyrimi edhe në pikat kufitare.

The post Zvicra shton kontrollet për vinjetën, 191 shoferë gjobiten pranë Bazelit appeared first on Albinfo.

Burimi i lajmit: albinfo.ch
Shënim: Ky material është përpunuar për qëllime informimi nga Portali Kosova.Today.