AMORIM BËN REVOLUCION TE MILANI! Gjashtë ndryshime në formacion, ja kush rikthehet në titullar

Ruben Amorim pritet të bëjë gjashtë ndryshime në formacionin titullar të Milanit për ndeshjen e radhës ndaj Genoas, në përpjekje për të rikthyer skuadrën te rezultatet pozitive pas zhgënjimit në mesjavë.

Sipas raportimeve të MilanNews, trajneri portugez synon të ndryshojë një pjesë të rëndësishme të formacionit, duke rikthyer disa nga lojtarët kryesorë në njëmbëdhjetëshen startuese, transmeton ORAinfo.

Në portë pritet të rikthehet Mike Maignan, i cili mungoi për shkak të pezullimit. Ndërkohë, në mbrojtje situata mbetet problematike për shkak të dëmtimeve. Strahinja Pavlović nuk është rikuperuar në kohë për këtë takim, ndërsa Sankhoun Diawara pritet të vazhdojë të jetë titullar në qendër të mbrojtjes. Në krahun e majtë, vendin pritet ta marrë Pervis Estupiñán, pasi Davide Bartesaghi nuk është ende në gjendjen optimale fizike.

Ndryshime priten edhe në mesfushë dhe repartin ofensiv. Luka Modrić, Diego Moreira dhe Christian Pulisic parashikohen të rikthehen në formacionin bazë. Një tjetër lojtar prej të cilit pritet më shumë është Gonçalo Ramos, i cili deri më tani ka realizuar vetëm dy gola në kampionat.

Formacioni i mundshëm i Milanit (4-2-3-1):

Maignan; Gila, De Winter, Diawara, Estupiñán; Musah, Modrić; Moreira, Rabiot, Pulisic; Gonçalo Ramos.

Pas kritikave të Amorimit ndaj lojtarëve për paraqitjen dhe qasjen e tyre në ndeshjen e fundit, Milani synon të reagojë ndaj Genoas dhe të rikthejë besimin në skuadër.

Megjithatë, përballja nuk pritet të jetë e lehtë, pasi Genoa po kalon një periudhë të mirë dhe kuqezinjve do t’u duhet një paraqitje dukshëm më e mirë për të marrë tri pikët. /ORAinfo/

Burimi i lajmit: orainfo.net
Shënim: Ky material është përpunuar për qëllime informimi nga Portali Kosova.Today.