Çfarë duhet të bëni nëse kani harruar portofolin në një tren zviceran?

Sapo të kuptoni se keni zbritur nga treni pa sendet tuaja, njoftoni kompaninë hekurudhore, SBB, duke paraqitur një raport online, duke plotësuar të gjitha detajet, përcjell albinfo.ch.

Nëse dikush i ndershëm (siç priren të jenë shumë zviceranë) sheh sendet tuaja të harruara dhe njofton konduktorin, ka shumë mundësi që përfundimisht të ribashkoheni me sendet tuaja të humbura.

Por, duke qenë se Zvicra është e organizuar dhe e rregullt, ekziston një procedurë e duhur që duhet të aktivizohet në mënyrë që të merrni çantën tuaj (dhe çdo gjë tjetër që keni lënë pas).

Çfarë duhet bërë saktësisht?

Pavarësisht se ku në Zvicër i keni harruar sendet tuaja, ato do të përfundojnë në zyrën qendrore ‘Lost & Found’ në Bernë.

Megjithatë, pasi raporti juaj të jetë paraqitur dhe marrë, çanta juaj do të presë për t’u marrë në stacionin e zgjedhjes suaj.

SBB ju faturon për këtë shërbim, me shumën që bazohet në llojin e kartës së udhëtimit që keni: 5 franga me GA Travelcard, 10 franga me Half Fare Travelcard / biletë vjetore sezonale, ose 20 franga pa asnjërën prej tyre.

Një gjë interesante do të ndodhë nëse mbani euro ose ndonjë monedhë tjetër të huaj në portofolin tuaj.

Siç raportohet nga platforma e lajmeve Watson, nuk do ta merrni monedhën tuaj origjinale mbrapsht, sepse ajo do të konvertohet – dhe do t’ju kthehet – në franga.

Për më shumë detaje – https://www.thelocal.ch/20250514/what-happens-to-your-money-if-you-leave-your-wallet-or-purse-on-a-swiss-train

The post Çfarë duhet të bëni nëse kani harruar portofolin në një tren zviceran? appeared first on Albinfo.