Daily Mail shkruan për Sadik Durakun, thotë se po mbahet gabimisht në një burg të Serbisë

Tabloidi britanik, Daily Mail ka shkruar për 53-vjeçarin kosovar me nënshtetësi angleze, Sadik Durakun që u ndalua nga policia serbe në kufirin Kroaci-Serbi më 17 prill të këtij viti, e po mbahet ‘gabimisht’ me akuzat për krime lufte gjatë vitit 1999.

Daily Mail përmend edhe familjarët e Durakut të cilët thojnë se është e pamundur që ai të ketë kryer krime lufte, pasi sipas tyre Duraku në Britani ka aplikuar për azil në vitin 1998 dhe nuk u largua më nga vendi deri në vitin 2004, njofton Klankosova.tv.

“Një britanik i sëmurë rëndë po mbahet ‘gabimisht’ në një burg ‘ferror’ serb i akuzuar për krime lufte pasi u mbajt gjatë një arrestimi masiv në një pikë kufitare, pretendon familja e tij”, shkrua Daily Mail.

“Sadik Duraku, 53 vjeç, me origjinë nga fshati kosovar i Demjanit, u ndal duke vozitur përtej kufirit nga Kroacia në Batrovci për të vizituar familjen javën e kaluar”.

“Ai u dërgua në Gjykatën e Lartë për Krime Lufte në Beograd dhe u akuzua për anëtarësim në Ushtrinë Çlirimtare të Kosovës (UÇK) dhe për kryerjen e fyerjeve gjatë luftës së vitit 1999 në Kosovë”.

“Familja e tij thotë se kjo është e pamundur sepse ai ishte në Britani ka aplikuar për azil në vitin 1998 dhe nuk u largua më nga vendi deri në vitin 2004”.

“Kritikët kanë akuzuar presidentin autoritar serb, Aleksandar Vuçiq për një marifet politik mes tensioneve në rritje midis qeverisë së tij nacionaliste dhe rajonit autonom të Kosovës”.

Daily Mail kujton se Vuçiq është akuzuar se kërkon ta imitojë aleatin e tij rus, presidentin Vladimir Putin.

Në një peticion të postuar në internet, vajza e Durakut, Suzana shkruan për arrestimin e babait të saj mbi akuza të rreme, duke kërkuar ndihmën e institucioneve britanike për lirimin e tij.

Tags Kerko

Kete lajm mund ta gjeni direkt ne linqet me posht:
Tabloidi Daily Sadik Durakun Kroaci Serbi Durakut Duraku Britani Klankosova Demjanit Kroacia Batrovci Gjykat Krime Lufte Beograd Ushtrin Kosov Familja Kritik Aleksandar Vladimir Putin Suzana

Kerko ne Google fjalet :

Kliko mbi fjalet me posht shfaqet kerkimi:
Tabloidi Daily Sadik Durakun Kroaci Serbi Durakut Duraku Britani Klankosova Demjanit Kroacia Batrovci Gjykat Krime Lufte Beograd Ushtrin Kosov Familja Kritik Aleksandar Vladimir Putin Suzana

Shqiperia ne Eurovision

Shiko videon ...