Deputetët fillojnë të hyjnë në sallën e Kuvendit për seancën konstituive

Deputetët kanë filluar të hyjnë në sallën e Kuvendit të Kosovës, ku pritet të mbahet seanca konstituive e legjislaturës së re.

Edhe pse fillimi i seancës ishte paraparë për orën 10:00, ajo ende nuk ka nisur. Në sallë tashmë janë të pranishëm deputetë dhe përfaqësues të disa subjekteve politike.

Mes të pranishmëve janë parë deputetë të Lëvizjes Vetëvendosje, Partisë Demokratike të Kosovës dhe Aleancës për Ardhmërinë e Kosovës.

Gjatë kësaj seance pritet të zhvillohen procedurat e para për konstituimin e Kuvendit të Kosovës dhe funksionalizimin e legjislaturës së re./Gazeta10

Burimi i lajmit: orainfo.net
Shënim: Ky material është përpunuar për qëllime informimi nga Portali Kosova.Today.