Izraeli sulmon Gazën gjatë natës/ Të paktën 24 të vrarë, mes tyre fëmijë dhe civilë

Në dy sulme ajrore izraelite gjatë natës mbi Rripin e Gazës, të paktën 24 palestinezë u vranë, përfshirë fëmijë dhe civilë të tjerë, sipas mjekëve dhe zyrtarëve të Shërbimit të Mbrojtjes Civile.

Një prej sulmeve goditi shkollën Fahmi Al-Jargaëi në qytetin e Gazës, e cila po strehohej nga qindra të zhvendosur nga qyteti i Beit Lahia, që po sulmohet intensivisht nga ushtria izraelite. Një zëdhënës i Shërbimit të Mbrojtjes Civile të Hamasit tha se nga shkolla u nxorrën 20 trupa, përfshirë fëmijë, shumica e të cilëve ishin djegur rëndë pasi flakët përfshinë dy klasa të shndërruara në dhoma gjumi. Një banor i zonës, Rami Rafiq, tha për BBC se “flakët ishin kudo” dhe se “shihte trupa të djegur në tokë”.

Pak para sulmit mbi shkollën, një tjetër sulm ajror goditi një shtëpi në qytetin e Gazës, duke vrarë katër persona, sipas Ministrisë së Shëndetësisë të kontrolluar nga Hamasi. Sulmet janë pjesë e një ofensive më të gjerë izraelite që ka eskaluar në pjesën veriore të enklavës gjatë javës së kaluar.

Në një incident tjetër, një sulm izraelit mbi shtëpinë e një mjekeje palestineze në Gaza vrau nëntë nga dhjetë fëmijët e saj. Ndërkohë, Kryqi i Kuq Ndërkombëtar njoftoi se dy punonjës të tij u vranë në një sulm mbi shtëpinë e tyre në Khan Younis. Ky akt ka theksuar thirrjet për një armëpushim dhe përfundimin e dhunës ndaj civilëve.

Ushtria izraelite nuk ka komentuar ende mbi këto sulme./abcweb.al