Këshilltari fetar i Trumpit viziton Manastirin e Deçanit në Kosovë
Këshilltari i Trumpit për çështje fetare viziton Manastirin e Deçanit
Këshilltari joformal për çështje fetare i presidentit të Shteteve të Bashkuara, Mark Burns, po qëndron për vizitë në Manastirin e Deçanit – manastir mesjetar i Kishës Ortodokse Serbe në Kosovë.
Sipas njoftimit të Kishës Ortodokse Serbe, igumeni i Manastirit të Deçanit, Sava Janjiq, e njohu Burnsin me “historinë e pasur të kësaj faltoreje, e cila ndodhet në Listën e Trashëgimisë Botërore të UNESCO-s”.
Burns mbërriti në Kosovë më 5 korrik, ku, në shoqërinë e patriarkut serb Porfirije, vizitoi edhe Patriarkanën e Pejës. “Nuk kam ardhur për të thelluar ndarjet. Kam ardhur të dëgjoj, të lutem dhe të mbështes paqen, pajtimin dhe shërimin në mbarë Kosovën dhe Ballkanin. Zoti e mbroftë çdo familje, çdo kishë, çdo manastir dhe çdo komunitet që përpiqet të jetojë në paqe”, shkroi Burns në rrjetin social X.
Liritë fetare përmenden edhe në Marrëveshjen për Normalizimin Ekonomik ndërmjet Kosovës dhe Serbisë, e njohur si Marrëveshja e Uashingtonit, e cila është nënshkruar në shtator të vitit 2020 në Shtëpinë e Bardhë, në praninë e presidentit Trump.
Në marrëveshje thuhet, mes tjerash, se “të dyja palët angazhohen të respektojnë liritë fetare, përfshirë rivendosjen e dialogut ndërfetar, mbrojtjen e objekteve fetare dhe zbatimin e vendimeve gjyqësore që mbrojnë Kishën Ortodokse Serbe”.
Me pak fjalë
Këshilltari fetar i ish-presidentit amerikan Donald Trump, Mark Burns, vizitoi Manastirin e Deçanit në Kosovë, duke theksuar angazhimin për paqe dhe pajtimin në rajon. Vizita e tij përkon me përmendjen e lirive fetare në Marrëveshjen e Uashingtonit ndërmjet Kosovës dhe Serbisë.
Personat e përmendur
- Mark Burns - Mark Burns
- Sava Janjiq - Sava Janjiq
- Porfirije - Porfirije
Burimi i lajmit: orainfo.net
Shënim: Ky material është përpunuar për qëllime informimi nga Portali Kosova.Today.
