Lula da Silva: Brazili do të ankohet në OBT ose do të taksojë produktet amerikane

Presidenti brazilian Luiz Inácio Lula da Silva tha të martën se vendi i tij do t’i përgjigjet vendimit të presidentit amerikan Donald Trump për të vendosur tarifa për importet e çelikut ose duke paraqitur një ankesë në Organizatën Botërore të Tregtisë (OBT) ose duke taksuar produktet amerikane.

“Kam dëgjuar se tani do të taksojnë çelikun brazilian. Nëse ata e bëjnë këtë, ne do të reagojmë komercialisht, ose duke paraqitur një ankesë në OBT ose duke taksuar produktet që importojmë prej tyre,” tha Lula, sipas Reuters.

Brazili është vendi nga i cili Shtetet e Bashkuara importojnë më së shumti çelik.

Në fillim të kësaj jave, Trump rriti ndjeshëm tarifat për importet e çelikut dhe aluminit në 25 për qind “pa përjashtime”.

Tarifa prej 25 për qind për importet e çelikut dhe aluminit e shpallur këtë javë nuk do të hyjë në fuqi deri në javën e parë të marsit./abcnews.al