Mourinho zbulon planin special se si e shkatërroi mbrojtjen e Barcelonës

Trajneri Jose Mourinho thotë se e vetmja mënyrë për të shkatërruar atë mbrojtje të Barcelonës ka qenë përmes mesfushës, ndërsa dha lëvdata për Edouardo Camavingan.

Lojtari më i kritikuar i Realit rezultoi të jetë heroi, ku në fundin e ndeshjes fitoi një top të bukur e më pas asistoi për Kylian Mbappe, i cili ia dha goditjen finale.

Pas ndeshjes, Mourinho ka shpjeguar se i kishte kërkuar Camavingas ta thyente vijën e mbrojtjes në mënyrë që të gjejnë rrugën drejtë rrjetës.

“I thashë Camavingas se Tchouameni do të qëndrojë prapa dhe ta ruajë mbrojtjen dhe që ti duhet të sulmosh në hapësira”.

“Është vështirë për secilin sulmues të sulmojë hapësirat ndaj Barcelonës, e vetmja zgjidhje është përmes mesfushës”.

“Kur sulmuesit e bëjnë, mbrojtësit e Barcelonës janë të përgatitur sepse janë të stërvitur për këtë pjesë, ose mbeism në pozitë jashtë loje, ose pasimi largohet nga Joan Garcia”.

“E vetmja mënyrë është të përdorësh mesfushorë si Camavinga dhe Bellingham për ta thyer vijën e mbrojtjes dhe kjo funksionoi”.

Real Madridi kësisoj regjistroi fitoren e pestë radhazi për t’iu bërë me dije të gjithëve se po rikthehen fuqishëm në garë për të gjitha trofetë.

Aktualisht, gjiganti spanjoll ka tri pikë prapa Barcelonës për t’u renditur në pozitën e tretë në La Liga.

Burimi i lajmit: orainfo.net
Shënim: Ky material është përpunuar për qëllime informimi nga Portali Kosova.Today.