IQMT ndalon 6 biznese për veprimtari me kriptovaluta dhe gjobit 6 të tjera
IQMT ndalon 6 biznese për veprimtari me kriptovaluta
Inspektorati Qendror i Mbikëqyrjes së Tregut (IQMT) ka nisur një aksion të rreptë kundër bizneseve që operojnë në fushën e kriptovalutave dhe këmbimeve pa përmbushur kërkesat ligjore.
Inspektimet janë zhvilluar në komunat e Prishtinës, Gjilanit, Gjakovës, Prizrenit, Podujevës, Rahovecit dhe Suharekës, me qëllim të kontrollimit të përmbushjes së detyrimeve ligjore nga ana e subjektet e inspektuara.
Sipas njoftimit zyrtar, gjatë ditës së parë të këtij aksioni janë inspektuar gjithsej 16 biznese. Ndaj 6 prej tyre është vendosur masa e ndalimit të ushtrimit të veprimtarisë për shkak të mungesës së dokumentacionit të detyrueshëm. Kjo përfshinte kryesisht mungesën e pëlqimit për përmbushjen e kushteve minimale teknike.
Ndërkohë, ndaj 6 bizneseve të tjera janë shqiptuar gjoba administrative për mungesën e dokumentacionit ligjor të nevojshëm për veprimtarinë e tyre.
Në vijim të këtij plani operacional, IQMT ka në plan të inspektojë më shumë se 268 biznese të regjistruara në Agjencia për Regjistrimin e Bizneseve të Kosovës (ARBK), të cilat kanë të regjistruar kodin për ndërmjetësime tjera monetare.
Me pak fjalë
Aksioni i IQMT kundër bizneseve që operojnë me kriptovaluta ka rezultuar në ndalimin e veprimtarisë për 6 subjekte dhe imponimin e gjobave për 6 të tjera për mungesë dokumentacioni. Gjithsej janë inspektuar 16 biznese, ndërsa plani përfshin kontrollimin e 268 subjektesh të regjistruara në ARBK.
Personat e përmendur
Burimi i lajmit: orainfo.net
Shënim: Ky material është përpunuar për qëllime informimi nga Portali Kosova.Today.
