Nderohen ushtarët amerikanë/ Lituani, përcillen me ceremoni 4 ushtarët që humbën jetën gjatë stërvitjes

Udhëheqësit politikë dhe fetarë të Lituanisë iu bashkuan mijëra njerëzve të enjten për t’i dhënë lamtumirën katër ushtarëve amerikanë që humbën jetën gjatë një stërvitjeje në vendin baltik.

Presidenti Gitanas Nausėda dhe personalitete të tjera ishin në mesin e atyre që qëndruan në respekt të të rënëve teksa trupat u nisën nga Lituania për në Shtetet e Bashkuara.

Nxënësit e shkollave të shoqëruar nga mësuesit mbanin flamujt e Lituanisë dhe të SHBA-së për të nderuar ushtarët,.

Ushtarët, pjesë e ekipit luftarak të Brigadës I , Divizioni i 3-të i Këmbësorisë, ishin në stërvitje taktike kur ata dhe automjeti i tyre u zhdukën.

Ushtarët dhe shpëtuesit lituanez, polakë dhe amerikanë kërkuan nëpër pyje dhe këneta në terrenin e stërvitjes në qytetin Pabrade, në perëndim të kufirit me Bjellorusinë derisa gjetën automjetin dhe trupat.

Ushtarët amerikanë ishin të moshave 21, 28 dhe dy prej tyre 25 vjeç.

Rreth 3,500 ushtarë nga Ekipi Luftarak i Brigadës së Parë të Blinduar u dislokuan në janar në Poloni dhe shtetet baltike për një rotacion nëntë-mujor si pjesë e Operacionit Atlantic Resolve, i cili mbështet aleatët dhe partnerët e NATO-s pas pushtimit rus të Ukrainës në 2022.

/ abcnews.al