Ola kërcënon Gjestin: Bashkë do të flasim, kur të dalësh nga këtu mendon se do të ikësh në ndonjë planet tjetër?

E marta në shtëpinë e Big Brother VIP Albania 4 u karakterizua nga debate të zjarrta mes Olës dhe Gjestit, të cilat përshkallëzuan në një incident të pazakontë.

Gjesti, i revoltuar pas përplasjes së vazhdueshme me Olën dhe Vserlon, vendosi të reagojë në mënyrë drastike duke iu thyer vezë në kokë të dyve.

Situata u përshkallëzua edhe më shumë kur Ola e kërcënoi hapur Gjestin me fjalët: “Bashkë do flasim, pse ti mendon që kur të dalim nga këtu do të shkosh në ndonjë planet tjetër?”.

Kjo deklaratë ka ngjallur debat mes banorëve dhe ndjekësve të spektaklit, duke u konsideruar si një formë kërcënimi të drejtpërdrejtë.

Siç dihet, kërcënimet dhe sjelljet agresive janë të ndaluara brenda rregullave të Big Brother VIP Albania.

Mbetet për t’u parë nëse produksioni do të marrë masa disiplinore ndaj ndonjërit prej banorëve pas kësaj ngjarjeje të tensionuar.