Rey Manaj humb ndjenjat në fushë, largohet me ambulancë

Sulmuesi shqiptar, Rey Manaj ka mbetur i shtrirë në fushë pasi pësoi një lëndim të rëndë në ndeshjen ndaj Goztepes.

Manaj në minutën e tretë të ndeshjes pati një përplasje të fortë kokë më kokë me mbrojtësin e Goztepes, duke u larguar kështu me autoambulancë.

“Sportisti ynë Rey Manaj humbi ndjenjat si pasojë e një përplasjeje me një lojtar kundërshtar në minutën e 3-të të ndeshjes ndaj Goztepe. Pas ndërhyrjes së parë të ekipit tonë mjekësor në fushë, atleti ynë është dërguar me ambulancë në spital dhe ka rikthyer vetëdijen në spital”, shkroi klubi i Sivasspor, transmeton Klankosova.

Bëhet e ditur se pas përfundimit të analizave të nevojshme, informacioni i detajuar për gjendjen shëndetësore të Rey Manajt do të ndahet me publikun.

Sivasspor-Göztepe maçında Koray Günter ile girdiği pozisyonda sakatlık yaşayan Rey Manaj, hastaneye kaldırıldı.

— HaTtrick Futbol (@hattrickftbl) March 9, 2025