Pianistja Anila Aliu vlerësohet me çmim në Festivalin Ndërkombëtar të Volterrës

Artistja shqiptare Anila Aliu ka përjetuar një moment të veçantë në karrierën e saj, duke performuar në Festivalin Ndërkombëtar të Volterrës, në Itali, dhe duke u vlerësuar me çmim për paraqitjen e saj, transmeton albinfo.ch.

Aliu performoi në amfiteatrin antik Teatro Romano di Volterra, një hapësirë e rrethuar nga historia dhe trashëgimia mijëravjeçare e Toskanës.

Pas kësaj mbrëmjeje të veçantë, artistja ka shprehur mirënjohjen për publikun italian dhe organizatorët e festivalit për mikpritjen dhe vlerësimin.

“Nder i jashtëzakonshëm të performoja dhe të vlerësohesha me çmim në Festivalin Ndërkombëtar të Volterrës, në amfiteatrin antik Teatro Romano di Volterra”, ka shkruar Aliu.

Ajo ka falënderuar publikun italian për pritjen e ngrohtë, si dhe ekipin e festivalit për organizimin e kësaj mbrëmjeje artistike.

“Falënderuese nga zemra publikut italian për mikpritjen aq të ngrohtë, si dhe të gjithë ekipit të festivalit për këtë mbrëmje madhështore”, ka shkruar artistja.

Aliu ka ndarë emocionet e saj edhe në gjuhën angleze, duke e përshkruar performancën si një përvojë të jashtëzakonshme nën qiellin e Toskanës, mes një ambienti që mbart rreth dy mijë vjet histori.

Në mesazhin e saj, ajo ka falënderuar gjithashtu kolegun Joe Shepherd dhe drejtorin e Festivalit Ndërkombëtar të Volterrës për këtë përvojë të veçantë.

Performanca dhe çmimi i marrë në Volterra përbëjnë një tjetër moment të rëndësishëm në rrugëtimin artistik të Anila Aliut, duke e vendosur atë në një skenë me rëndësi të veçantë kulturore dhe historike në Itali./Albinfo.ch.

The post Pianistja Anila Aliu vlerësohet me çmim në Festivalin Ndërkombëtar të Volterrës appeared first on Albinfo.

Burimi i lajmit: albinfo.ch
Shënim: Ky material është përpunuar për qëllime informimi nga Portali Kosova.Today.