I plagosuri me armë zjarri në Gjilan në gjendje të rëndë, dërgohet në sallën operative

Mazllum Bugujevci është plagosur me armë zjarri në Livoç të Ulët të Gjilanit, në rastin tragjik ku mbetën të vrarë Egzon Bugujevci dhe motra e tij, ndërsa i dyshuari për vrasjen është Valon Ramushi.

Bugujevci ndodhet në gjendje të rëndë shëndetësore, ndërsa pas ekzaminimeve të kryera në Spitalin e Gjilanit, është dërguar në sallën operative.

Këtë e ka konfirmuar për Sinjalin shefi i Emergjencës, Naser Syla, i cili ka bërë të ditur se në trajtimin e të plagosurit janë përfshirë ekipet kujdestare të kirurgjisë abdominale, urologjisë dhe anestezionit.

Sipas Sylës, pas ndërhyrjes, Mazllum Bugujevci do ta vazhdojë trajtimin në MIQ.

“Një i plagosur me armë zjarri e sjellë spitali gjilanit ,1978 i lindur, gjendje rëndë , pas egazminimëve të kryera dergohët në sallë operative, nga ekipët kujdestare të kirirgjisë abdominale,urologjisë dhe anestezionit, mëpas do të vazhdonë tretmanin në MIQ.”, tha ai për Sinjalin.

Burimi i lajmit: orainfo.net
Shënim: Ky material është përpunuar për qëllime informimi nga Portali Kosova.Today.