Policia kontrollon 4 lokacione në Prishtinë: gjetën armë, municion dhe 3470 Euro
Policia zbulon bunker me armë dhe municion në Prishtinë
Njësitet e Policisë së Kosovës, në bashkëpunim me Prokurorinë Themelore në Prishtinë dhe Doganën e Kosovës, kanë ndërmarrë veprime operative në katër lokacione të ndryshme në rajonin e Prishtinës. Kjo pasi Dogana kishte ndaluar një automjet me targa të Serbisë, në të cilin ishin fshehur municion të kalibrit 9mm në një bunker të improvizuar.
Si rezultat i hetimeve, janë identifikuar dhe shoqëruar për intervistim gjashtë persona të dyshuar. Gjatë kontrollit janë konfiskuar edhe materiale të ndryshme, duke përfshirë armë zjarri, municion, paratë dhe një automjet të përdorur për kryerjen e veprës penale.
Sipas njoftimit të Policisë së Kosovës (PK), janë gjetur dhe konfiskuar:
- Gjashtë armë zjarri (katër të shkurta dhe dy të gjata),
- Tetë mijë e nëntëqind e nëntëmbëdhjetë (8919) fishekë të kalibrave të ndryshëm,
- Një shurdhues për armë,
- Tërmijë e katërqind e shtatëdhjetë (3470) Euro,
- Një automjet i përdorur për kryerjen e veprës penale.
Personat e dyshuar janë intervistuar në prani të avokatëve mbrojtës. Me vendim të prokurorit, tre nga ata janë dërguar në mbajtje për 48 orë.
Me pak fjalë
Policia e Kosovës, në bashkëpunim me Doganën dhe Prokurorinë, ka kontrolluar katër lokacione në Prishtinë pas zbulimit të një automjeti me targa serbe që transportonte municion të fshehur. Janë konfiskuar armë, fishekë, paratë dhe një automjet, ndërsa tre persona janë dërguar në mbajtje për 48 orë.
Personat e përmendur
Burimi i lajmit: orainfo.net
Shënim: Ky material është përpunuar për qëllime informimi nga Portali Kosova.Today.
