Qiratë në Zvicër vazhdojnë të rriten

Qiratë vazhduan të rriten në Zvicër muajin e kaluar, sipas një sondazhi të publikuar të martën nga platforma e pasurive të paluajtshme Homegate dhe Banka Kantonale e Cyrihut, përcjell albinfo.ch.

Disa kantone në Zvicrën qendrore shënuan rritje më të mëdha – veçanërisht Schwyz, me një rritje prej 10.5 përqind, Nidwalden (rritje 9.3 përqind) dhe Zug (rritje 8.4 përqind).

Qiratë në kantonet frëngjishtfolëse, nga ana tjetër, pësuan një rritje më të moderuar; rritje me 3.7 për qind në Gjenevë, e ndjekur nga Friburgu (3.2 për qind), Vaud (3.1 për qind dhe Valais (3.0 për qind).

Megjithatë, këto shifra u regjistruan në shkurt, pak përpara se Administrata Federale e Strehimit të ulte normën e saj të referencës së interesit më 3 mars, që do të thotë se shumë qiramarrës tani mund të kërkojnë uljen e qirasë.

The post Qiratë në Zvicër vazhdojnë të rriten appeared first on Albinfo.