Shpallet plazhi më i lumtur në botë: Ka 300 ditë me diell në vit

Ndodhet në një qytet piktoresk që krenohet me 300 ditë me diell në vit, ofron rërë të artë, një shëtitore plot me bare dhe restorante dhe është një distancë e shkurtër (më pak se një orë me makinë) nga një nga qytetet më piktoreske të Spanjës, Barcelona. Sipas një analize nga CV Villas, e cila përdori softuerin e njohjes së fytyrës AWS për të analizuar mijëra foto në Instagram nga më shumë se 100 plazhe, ato me më shumë buzëqeshje renditen si plazhet “më të lumtura” në botë.

Në krye të listës me një rezultat gati perfekt prej 98.42 pikësh ishte Sitges Beach në Spanjë. Sitges ndodhet pak jashtë Barcelonës dhe është i njohur për plazhet e tij të bukura me rërë dhe shëtitoren plot me restorante dhe bare.

Plazhi Sitges, i vendosur në qytetin piktoresk katalanas me të njëjtin emër, tërheq vizitorë nga e gjithë bota.

Ky destinacion piktoresk mund të kombinohet lehtësisht me një vizitë në Barcelonë, e cila është 50 minuta larg me makinë ose 36 minuta me transport publik.

Sitges është gjithashtu i njohur për skenën e tij të pasur kulturore, duke përfshirë muzetë si Cau Ferrat, i cili ishte shtëpia dhe studio e artistit të famshëm Santiago Rusiñol. Qyteti pret festivale të shumta gjatë gjithë vitit, duke përfshirë një nga karnavalet më të famshme në Spanjë dhe Festivalin Ndërkombëtar të Filmit në tetor.

Një nga monumentet më të famshme është Kisha e Shën Bartolomeut dhe Shën Theklas, e cila dominon peizazhin bregdetar dhe shpesh quhet “xhevahiri i Sitges” dhe njihet si një nga pamjet më të bukura të qytetit. Vendasit e quajnë shpesh “La Punta”.

Sitges është gjithashtu i njohur për skenën e tij të pasur kulturore. Muzeu Cau Fera dikur ishte shtëpia e piktorit, poetit dhe koleksionistit të famshëm Santiago Rusiñol dhe sot përmban një koleksion të pasur veprash arti që lidhen me jetën e tij. Muzeu gjithashtu krenohet me dy piktura origjinale nga El Greco dhe tre vepra nga Picasso.

Qyteti pret festivale të shumta gjatë gjithë vitit, dhe është gjithashtu i njohur për Malvasia e tij, e cila është e lidhur me kantinë e verës Hospital Sant Joan Baptista, një pjesëmarrës kyç në ruajtjen e traditës së prodhimit të kësaj vere. Celler de l’Hospital, i cili operon në kuadër të Fondacionit Spitalor Sitges, organizon turne dhe degustime për vizitorët, duke i edukuar ata për produktin e tyre të famshëm vendas.

Meqë ra fjala, top 10 në listën e plazheve më të lumtura në botë përfshin edhe Praia da Falésia (Portugali); Plazhi Port de Soller (Spanjë), Gjiri Rhossili (Uells), Gjiri Caswell (Uells), Plage des Sablettes (Francë), Praia Dona Ana (Portugali), Praia do Vale de Senteanes (Portugali), Plazhi Elafonisi (Greqi) dhe Plazhi Ai Helis (Greqi).

The post Shpallet plazhi më i lumtur në botë: Ka 300 ditë me diell në vit appeared first on Albinfo.