Shqipëria pret samitin e SEECP-së
Shqipëria është mikpritëse e Ministerialit të Procesit të Bashkëpunimit në Evropën Juglindore (SEECP), i cili po mbahet sot në Tiranë nën kryesimin e saj njëvjeçar të këtij procesi rajonal. Në këtë aktivitet marrin pjesë liderë dhe përfaqësues të 13 vendeve të Evropës Juglindore, pjesëmarrëse të SEECP-së, transmeton albinfo.ch. Sipas agjendës së publikuar nga Ministria për […] The post Shqipëria pret samitin e SEECP-së appeared first on Albinfo.
Shqipëria është mikpritëse e Ministerialit të Procesit të Bashkëpunimit në Evropën Juglindore (SEECP), i cili po mbahet sot në Tiranë nën kryesimin e saj njëvjeçar të këtij procesi rajonal. Në këtë aktivitet marrin pjesë liderë dhe përfaqësues të 13 vendeve të Evropës Juglindore, pjesëmarrëse të SEECP-së, transmeton albinfo.ch.
Sipas agjendës së publikuar nga Ministria për Evropën dhe Punët e Jashtme, punimet e samitit nisën në orën 11:30 me fjalën hyrëse të ministrit Igli Hasani. Më pas, vijoi diskutimi në tavolinën e përbashkët me temën: “Rritja e Konkurrueshmërisë së Rajonit dhe Rritjes Gjithëpërfshirëse si Rrugë drejt Integrimit në BE për Pjesëmarrësit Aspirantë të SEECP-së”.
Deklarata përmbyllëse e samitit u lexua në orën 13:00, ndërsa dhjetë minuta më vonë u zhvillua ceremonia e dorëzimit të kryesimit të SEECP-së, nga Presidenti i Republikës Bajram Begaj te homologu i tij bullgar, Presidenti Rumen Radev. Në fund të ngjarjes, pjesëmarrësit realizuan edhe foton zyrtare familjare, transmeton albinfo.ch.
Përveç pritjes së delegacioneve të larta, Presidenti Begaj zhvilloi edhe takime bilaterale me liderët e rajonit, me synimin për të thelluar bashkëpunimin me vendet fqinje dhe për të përforcuar angazhimin e përbashkët në rrugën drejt Bashkimit Evropian.
Ministria e Brendshme dhe Policia e Shtetit kanë njoftuar për masa të rrepta sigurie dhe bllokime të përkohshme në disa akse kryesore rrugore të Tiranës, të cilat përfshijnë rrugën nga Aeroporti i Rinasit drejt qendrës së qytetit dhe anasjelltas, si dhe bllokime të pjesshme në rrugët “Ludovik Shllaku” dhe “Dibrës”.
Kufizimet e lëvizjes dhe ndalimet e përkohshme të qarkullimit do të zbatohen në varësi të orareve të mbërritjes dhe largimit të delegacioneve të huaja, si dhe gjatë zhvillimit të aktivitetit diplomatik.
Procesi i SEECP-së, i themeluar në vitin 1996, përfshin 13 vende të rajonit, mes tyre Shqipërinë, Kosovën, Serbinë, Kroacinë, Greqinë, Maqedoninë e Veriut, Turqinë, Malin e Zi, Moldavinë, Bosnje-Hercegovinën, Bullgarinë, Rumaninë dhe Slloveninë. Këto vende janë gjithashtu pjesë e Bordit të Këshillit të Bashkëpunimit Rajonal (RÇ), një mekanizëm që mbështet zhvillimin dhe stabilitetin rajonal, transmeton albinfo.ch.
The post Shqipëria pret samitin e SEECP-së appeared first on Albinfo.
