Trump përzgjedh gazetarët/ Shtëpia e Bardhë përcakton listën e mediave që ndjekin fjalimet e presidentit

Shtëpia e Bardhë njoftoi të martën se do të jenë zyrtarët e administratës Trump ata që do të vendosin se cilët gazetadë do të kenë akses për të ndjekur fjalimet e Presidentit Amerikan si në zyrën ovale apo në Avionin e tij Air Force One, një lëvizje kjo që është konsdieruar nga Kritikët si  e rrezikshme për Demokracinë Amerikane. Prej më sumë se një Shekulli ka qenë Shoqata e Korrespondetëve të Shtëpisë së Bardhë që ka vendosur dhe mbikqyrur grupin e gazetarëve që iu jepet akses në hapësirat e kufizuara ku Presidenti Amerikan mban fjalimet e tij.

Ishte Karoline Leavit, Sekretarja e Shtypit në Shtëpinë e Bardhë që njoftoi se diçka e tillë do të ndryshojë ndërsa u përpoq ta justifikonte vendimin si një veprim moderinizues.

Një grup i zgjedhur gazetarësh me bazë në Washington DC  nuk duhet të ketë më monopolin e aksesit të shtypit në Shtëpinë e Bardhë. Ka kaluar kohë që  kur ishte zakon që populli amerikan të informohej nga mediat tradicionale pasi jemi në vitin 2025 dhe jo në vitin 1925 tha Leavit.

Njoftimi erdhi vetëm një ditë pasi një Gjykatës i Emëruar nga Trump refuzoi një kërkes të Associated Press që kjo media ti rikthehej mbulimi të ngjarjeve në Shtepinë e Bardhë. Administrata Trump e ndaloi agjencinë e lajmeve që të kishte reporterët e saj  në Air Force One dhe në Zyrën Ovale për shkak të vendimit të saj për të vazhduar përdorimin e terimit Gjiri I Meksikës në vend të Gjirit të Amerikvs.

Ekspertët e medias kanë shprehur shqetësimet e tyre mbi vendimin e administratës Trump që thotë se do të jenë ata që do të vendosin se kush gazetarë do të ndjekin eventet e Trump në zona të kufizuara.

Jon Marshall, një profesor i historisë së medias në Universitetin Northwestern, e përshkroi ndryshimin si “një lëvizje të rrezikshme për demokracinë”./abcnews.al