Zbulohet arsyeja pse Son Heung-min nuk mbante medalje gjatë festimeve të triumfit në Ligën e Evropës

Son Heung-min e përshkroi veten si “njeriu më i lumtur në botë” pasi udhëhoqi Tottenham Hotspur drejt trofeut të tyre të parë në 17 vjet.

Spurs fituan Ligën e Evropës të mërkurën në mbrëmje falë një fitoreje 1-0 ndaj Manchester United.

Son e ngriti me krenari trofeun prestigjioz evropian së bashku me shokët e tij euforikë të ekipit; megjithatë, tifozët me sy shqiponje vunë re se kapiteni i Spurs, së bashku me Rodrigo Bentancur dhe Cristian Romeron nuk mbanin medaljen e fituesit të Ligën e Evropës.

Sulmuesi koreano-jugor vazhdoi festimet pas ndeshjes pa një medalje rreth qafës, duke i bërë tifozët të pyesnin veten pse nuk e mbante një të tillë.

Pamjet tregojnë Presidentin e UEFA-s, Aleksander Ceferin, duke u shpërndarë medaljet e fituesve shokëve të ekipit të Sonit, përpara se të mbaronin medaljet.

Sipas Associated Press, UEFA ka konfirmuar që problemi ndodhi sepse Tottenhami dërgoi shumë njerëz për të marrë medaljet e tyre gjatë ceremonisë.

Organi drejtues evropian i futbollit pretendon se klubet ishin informuar se vetëm 30 medalje do t’u jepeshin në skenë secilës skuadër. 20 medalje të tjera do t’i jepeshin klubit fitues pas ceremonisë për t’u shpërndarë lojtarëve dhe stafit.

Si një nga lojtarët e fundit në radhë, Son më pas humbi marrjen e medaljes. Ndërsa koreano-jugori ende nuk mbante një medalje gjatë intervistës së tij pas ndeshjes, ai më në fund e mori një më vonë atë mbrëmje.

Një nga lojtarët më të mëdhenj të Tottenhamit, Son dukej krenar ndërsa tregonte medaljen e tij të parë të fituesit – dhe gjithçka dukej bukur. /Telegrafi