Bujar Osmani uron kundërkandidatin Izet Mexhitin për fitoren ne Çair

Bujar Osmani ka uruar kundërkandidatitn e tij Izet Mexhitin për fitoren në Çair duke i uruar suksese në drejtimin e komunës për katër vitet e ardhshme. Osmani falënderoi të gjithë mbështetësit e tij, por siç tha, fjala e fundit u takon qytetarëve.

“Megjithatë, në politikë, fjala e fundit u takon qytetarëve. Unë kam qenë mjaft gjatë në politikë për t’i njohur dhe respektuar mesazhet që qytetarët i dërgojnë. Edhe pse fushata nuk ishte as e drejtë as e ligjshme në çdo aspekt, por unë nuk dua të ankohem, sepse besoj se ndershmëria dhe vlerat kanë kuptim vetëm kur i ruan edhe në sitiata si kjo.

Urime kundërkandidatit tim dhe të gjithë koalicionit që qëndroi pas tij, ata janë fituesit e zgjedhjeve në Çair dhe u uroj sukses në drejtimin e komunës gjatë katër viteve të ardhshme.

Në fund, dua të falënderoj familjen time, ata e mbajtën barrën më të madhe të angazhimit tim politik, por nga aty mora edhe përkrahjen e fortë. Për hapat e ardhshëm politik, ditëve në vijim”, tha Bujar Osmani./tv21.tv