Çrregullime të personalitetit: Profili i 31-vjeçarit nga Maroku që sulmoi në Modena
Çrregullime të personalitetit: Profili i 31-vjeçarit nga Maroku që sulmoi në Modena
Mediat italiane kanë zbardhur detaje të reja mbi profilin e Salim El Koudrit, 31-vjeçarit që përplasi me automjetin e tij një turmë njerëzish në Modena, duke lënë tetë të plagosur, ndërsa disa prej tyre luftojnë për jetën.
Sipas raportimeve, i riu ishte një Italian i gjeneratës së dytë me origjinë nga Maroku, i lindur në Seriate të Bergamos dhe banues në Ravarino. Ai nuk kishte precedentë të mëhershëm penalë, por kishte përfunduar studimet për administrim biznesi dhe ishte në kërkim të një pune pa sukses.
Hetimet e para kanë nxjerrë në pah se Salim El Koudri kishte probleme të shëndetit mendor. Ai ishte ndjekur deri në vitin 2024 nga një qendër në Castelfranco Emilia, ku trajtohej për çrregullime të personalitetit, duke përfshirë edhe një “çrregullim skizoid të personalitetit”.
Për këtë arsye, hetuesit dhe Antiterrorizmi kanë sekuestruar kartelat e tij klinike në përpjekje për të kuptuar motivet që çuan në sulm. Sipas autoriteteve italiane, deri më tani nuk ka prova që lidhin 31-vjeçarin me grupe terroriste apo me forma radikalizimi fetar.
Kontrolli në banesën e tij nuk zbuloi armë, materiale propagandistike apo dokumente që mund të sugjerojnë lidhje me organizata ekstremiste. Mediat italiane raportojnë gjithashtu se ai nuk frekuentonte xhaminë. Testet toksikologjike rezultuan negative për alkool dhe drogë, megjithëse hetuesit nuk përjashtojnë mundësinë e përdorimit të medikamenteve.
Fqinjët e përshkruajnë Salim El Koudrin si një person të qetë dhe të mbyllur, i shqetësuar kryesisht për vështirësitë ekonomike dhe mungesën e një pune të qëndrueshme. Ndërkohë, hetimet vijojnë për të përcaktuar nëse ai ka vepruar i vetëm apo nëse mund të ketë pasur persona të tjerë që e kanë nxitur drejt një akti të tillë.
Me pak fjalë
Hetimet në sulmin e Modena kanë zbuluar se Salim El Koudri, 31-vjeçari me origjinë marokene, kishte probleme të shëndetit mendor dhe ishte ndjekur për çrregullime të personalitetit. Autoritetet nuk kanë gjetur prova për lidhje me terrorizëm, ndërsa hetimet vazhdojnë për të përcaktuar motivet e tij.
Personat e përmendur
Burimi i lajmit: opinion.al
Shënim: Ky material është përpunuar për qëllime informimi nga Portali Kosova.Today.
