Franca thërret një tjetër takim për Ukrainën

Franca planifikon të organizojë një takim të dytë për të diskutuar Ukrainën dhe sigurinë evropiane të mërkurën, por këtë herë ka ftuar vendet evropiane që nuk ishin të pranishme në fillim të kësaj jave dhe aleatin e NATO-s, Kanadanë, thanë të martën burime diplomatike për agjencinë e lajmeve Reuters.

Dy burime thanë se të ftuarit ishin Norvegjia, Kanadaja, Lituania, Estonia, Letonia, Republika Çeke, Greqia, Finlanda, Rumania, Suedia dhe Belgjika. Formati do të jetë hibrid, duke përfshirë pjesëmarrjen në video.

Presidenti francez Emmanuel Macron priti të hënën një takim urgjent me vende duke përfshirë Britaninë, Gjermaninë dhe Italinë, si dhe aleancën e NATO-s dhe ekzekutivin e BE-së.

Kjo ishte pjesë e përpjekjeve për të vlerësuar se si mund të duken garancitë e mundshme të sigurisë për Ukrainën, se si Evropa duhet të lëvizë më shpejt për të rritur shpenzimet e mbrojtjes dhe si të lëvizë më shpejt ndërsa administrata amerikane përshpejton diplomacinë për t’i dhënë fund luftës trevjeçare midis Ukrainës dhe Rusisë.

Disa vende ishin të pakënaqur që takimi ishte vetëm për liderët e përzgjedhur dhe jo një samit i plotë i BE-së, kanë thënë zyrtarët e BE-së./abcnews.al