Kapen armë në një veturë të dyshuar në Pejë, arrestohen dy persona

Dy persona janë arrestuar pasi në veturën e tyre e cila ishte e parkuar mbrëmë në parkingun e një pompe të derivateve, u gjetën armë.

Sipas policisë së Pejës, vetura është vërejtur rreth orës 21:40.

Patrulla policore, pas legjitimimit tё personave tё cilёt ishin nё veturё, gjatё kontrollit tё personave dhe veturёs, ka gjetur dhe ka sekuestruar:

Një armё Sarsilmaz 2000 kal: 9mm dhe njё karikator të sё njëjtës armё,

Një armё CZ 999 kal: 9mm dhe njё karikator të sё njëjtës armë,

Një armё Reximex kal: 9x19mm dhe njё karikator i sё njejtёs armё,

82 copё fishekë 9×19 mm,

Një brisk

Tё dyshuarit pas intervistimit nga hetuesit nё prezencёn e avokatit mbrojtёs, me urdhёr tё prokurorit tё Shtetit, janё ndaluar pёr 48 orё.