Kenneth Pety kërkon leje për të udhëtuar në Evropë gjatë turneut të gruas së tij, Nicki Minaj

Bashkëshorti i rep artistes Nicki Minaj, Kenneth Petty, ka kërkuar në gjykatë për ta miratuar largimin e tij nga Shtetet e Bashkuara të Amerikës (SHBA), pasi ai mbetet në shërbim prove për dënimin e tij në vitin 2021 mbi dështimin e regjistrimit si dhunues seksual.

Petty, 46 vjeç, i tha gjykatës në dokumentet e shqyrtuara nga TMZ, transmeton AlbanianPost, se është thelbësore që ai të lejohet të shoqërojë artisten e nominuar për Grammy në turneun e saj të “Pink Friday 2” në Evropë sepse duhet të kujdeset për djalin e tyre trevjeçar.

Skema e datave fillon të mërkurën e 17 prillit në Montreal dhe shtrihet nëpër vende të tilla si Londra, Amsterdami dhe Parisi, me një datë të parashikuar përmbyllje më 14 korrik në Belgjikë – e njëjta datë që Petty i tha gjykatës se mund të kthehej në SHBA.

Oficeri i provës që mbikëqyr çështjen e Petty – që rrjedh fillimisht nga dënimi i tij i shkallës së parë për tentativë përdhunimi në prill të vitit 1995 – “nuk ka ngritur asnjë kundërshtim ndaj kërkesës së tij të udhëtimit”, raportoi gazeta, duke cituar dokumentet e gjykatës.

Nëse kërkesa e Petty-t pranohet, atij do t’i duhet ligjërisht t’i japë oficerit të tij të provës një itinerar të plotë udhëtimi dhe të qëndrojë në kontakt deri pas kthimit të tij.

Çështjet ligjore të Petty u bënë tituj shtatorin e kaluar, pasi ai mori një dënim prej 120 ditësh arrest shtëpie në lidhje me një shkelje me kusht pasi postoi video në mediat sociale me mesazhe agresive të bëra ndaj rep artistit Migos Offset.

Një urdhër gjykate i paraqitur në çështjen në Distriktin Qendror të Kalifornisë deklaroi se Petty më 16 shtator të vitit 2023 “incizoi një video duke bërë vërejtje kërcënuese ndaj një individi të caktuar ndërsa ishte në shoqërinë e dikujt me precedentë penalë”.

Minaj, emri i plotë i së cilës është Onika Tanya Maraj, është martuar me Petty që nga tetori i vitit 2019.

Në një intervistë të dhjetorit të vitit 2023 në Vogue, artistja e “Super Bass” shpjegoi dinamikën e marrëdhënies së saj me Petty, të cilin e njihte që nga shkolla e mesme.

“Për shkak se unë e njoh burrin tim prej shumë kohësh, e kemi më të lehtë jetën me njëri-tjetrin”, tha Minaj për Petty.

The post Kenneth Pety kërkon leje për të udhëtuar në Evropë gjatë turneut të gruas së tij, Nicki Minaj appeared first on Albanian Post.