Manchester, festohet 17-vjetori i Pavarësisë së Kosovës
Krijohet në ditëlindjen e 17-të të Kosovës Shoqata “Eagle Bee” The post Manchester, festohet 17-vjetori i Pavarësisë së Kosovës appeared first on Albinfo.
Mësohet se komuniteti shqiptar në Manchester kremtoi 17-vjetorin e Pavarësisë së Kosovës, përcjell albinfo.ch.
Në këtë ngjarje të veçantë mori pjesë edhe Kryetarja e Komunës së Trafford, znj. Amy Whyte, e cila shprehu mbështetjen e saj për komunitetin shqiptar dhe rëndësinë e ruajtjes së identitetit kulturor.
Zv. Shefi i Misionit të Kosovës në Mbretërinë e Bashkuar, z. Vlorat Gashi, mbajti një fjalë përshëndetëse, duke përgëzuar organizatorët për përkushtimin dhe angazhimin e tyre në kremtimin e kësaj date historike për Kosovën. Ai ishte i shoqëruar nga diplomati z. Ilir Bytyqi.
Një moment i veçantë i mbrëmjes ishte inaugurimi i Shoqatës së Shqiptarëve të Manchesterit “Eagle Bee”, një nismë e ndërmarrë nga z. Hamit Bujupi dhe znj. Besarta Shurreci, e cila synon të shërbejë si një qendër mbështetëse dhe lidhëse për shqiptarët e këtij qyteti.
Ky event konfirmoi edhe një herë frymën e bashkimit dhe përkushtimin e diasporës shqiptare për të ruajtur dhe promovuar kulturën dhe identitetin kombëtar. /Albinfo.ch
The post Manchester, festohet 17-vjetori i Pavarësisë së Kosovës appeared first on Albinfo.
