Modi: India dhe BE-ja duan të përfundojnë një marrëveshje të tregtisë së lirë deri në fund të vitit 2025

India dhe BE-ja duan të përfundojnë një marrëveshje të tregtisë së lirë deri në fund të vitit 2025, deklaroi kryeministri indian Narendra Modi pas bisedimeve me Presidenten e Komisionit Evropian Ursula von der Leyen.

“Ne u kemi kërkuar ekipeve tona të punojnë drejt përfundimit të një marrëveshjeje të tregtisë së lirë nga e cila do të përfitojnë të dyja palët deri në fund të vitit”, u tha Modi gazetarëve.

Dëshira e të dyja palëve për të përshpejtuar përfundimin e kësaj marrëveshjeje vjen në një kohë kur presidenti amerikan Donald Trump po kërcënon partnerët kryesorë tregtarë të vendit të tij me rritje tarifash.

Pak më parë, Von der Leyen, e cila ndodhet në një vizitë dyditore në Nju Delhi, kishte shprehur gjithashtu dëshirën e saj për të ” përshpejtuar ” këto negociata.

“Ne ramë dakord me kryeministrin Modi për të përshpejtuar (bisedimet) dhe për të arritur një marrëveshje këtë vit”, tha ajo. “E di që kjo nuk do të jetë e lehtë, por e di gjithashtu se koha dhe vendosmëria kanë rëndësi dhe ky bashkëpunim vjen në një moment të mirë për të dyja palët”.

BE-ja është partneri më i madh tregtar i Indisë, me tregtinë dypalëshe në vitin financiar 2023/2024 që arrin në 124 miliardë dollarë euro, një shifër që korrespondon me më shumë se 12% të tregtisë indiane, sipas Brukselit./abcnews.al