Tre të ndaluarit pas tragjedisë në objektin "Vëllezërit Asllani" në Prishtinë
Identitetet e tre të ndaluarve pas aksidentit tragjik në Prishtinë
Janë zbuluar identitetet e tre personave që u arrestuan pas aksidentit tragjik në një objekt në ndërtim në rrugën “Holger Pedersen” në Prishtinë, ku si pasojë e rrëzimit të një vinçi humbi jetën një punëtor, ndërsa një tjetër mbeti i lënduar.
Burimet e Sinjalit bëjnë me dije se të ndaluarit janë:
- Egzon Elshani, rreth 37-vjeç
- Betim Sylejmani, rreth 34-vjeç
- Agon Hashani, rreth 47-vjeç
Sipas informacioneve, ngjarja ndodhi pasditen e 28 korrikut, rreth orës 15:10, në objektin “Vëllezërit Asllani”, ku gjatë montimit të një vinçi, konstrukcioni u rrëzua.
Si pasojë e aksidentit, dy punëtorët që ndodheshin në vinç ranë nga lartësia. Njëri prej tyre, Ermal Sherifi, 20-vjeç, nuk arriti t’u mbijetojë plagëve dhe ndërroi jetë në QKUK, ndërsa punëtori tjetër, P. D., rreth 37-vjeç, mbeti i lënduar dhe po trajtohet.
Rrëzimi i vinçit shkaktoi dëme edhe në një shtëpi pranë vendit të ngjarjes.
Në vendngjarje kanë dalë njësitë hetimore të Policisë, Krim-Teknika, Prokurori i Shtetit, Inspektorati i Punës, Inspektorati i Mjedisit dhe Agjencia e Menaxhimit të Emergjencave për të hetuar shkaqet e aksidentit.
Me urdhër të Prokurorit të Shtetit, Egzon Elshani, Betim Sylejmani dhe Agon Hashani janë ndaluar për 48 orë, nën dyshimin për veprat penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës” dhe “Shkaktimi i rrezikut të përgjithshëm”. Hetimet për zbardhjen e plotë të rrethanave të tragjedisë janë në vazhdim.
Shënim: Personat e përmendur në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Me pak fjalë
Aksidenti tragjik në Prishtinë, ku një vinç u rrëzua gjatë montimit, rezultoi në vdekjen e një punëtori dhe lëndimin e një tjetrit. Tre persona janë arrestuar për dyshimin e shkeljeve të rëndësishme në sigurinë e punës, ndërsa hetimet vazhdojnë për të përcaktuar shkaqet e ngjarjes.
Personat e përmendur
Burimi i lajmit: orainfo.net
Shënim: Ky material është përpunuar për qëllime informimi nga Portali Kosova.Today.
