Selim Pacolli: Vushtrria dëshmoi mbështetje për Koalicionin për Familje, do të përkrahim vlerat familjare

Kandidati për deputet nga Koalicioni për Familjen, Selim Pacolli, ka shprehur mirënjohjen për mbështetjen e qytetarëve të Vushtrrisë, e cila siç thotë ai, ka dëshmuar angazhimin e saj për forcimin e vlerave familjare dhe një të ardhme më të mirë për të gjithë.

Në një postim në Facebook, pas tubimit të zhvilluar sonte në Vushtrri, Pacolli falënderoi qytetarët për përkrahjen e madhe, duke thënë se ky angazhim do të vazhdojë të jetë në themel të programit të Koalicionit për Familje.

“Vushtrria sonte e dëshmoi mbështetjen për Koalicionin për Familje. Do të vazhdojmë të punojmë për forcimin e vlerave familjare dhe një të ardhme më të mirë për të gjithë. Faleminderit për mbështetjen!” shkroi Pacolli.