Trump: Marrim termocentralet e Ukrainës. “Si siguri ndaj sulmeve ruse”, propozimi pas bisedës me Zelensky

Sekretarja e shtypit e Shtëpisë së Bardhë, Karoline Leavitt ka lexuar një deklaratë të SHBA-së në lidhje me thirrjen e sotme midis presidentëve Trump dhe Zelensky, e cila e përshkroi thirrjen si “fantastike” dhe “produktive”.

Zelensky falënderoi SHBA-në për raketat Javelin në veçanti – të cilat u dhanë për herë të parë Ukrainës nga Trump, shkruan Sky News.

Udhëheqësit shqyrtuan gjithashtu situatën në Kursk dhe ranë dakord të ndajnë informacionin nga afër, vazhdoi deklarata.

Trump sugjeroi gjithashtu që SHBA të marrë pronësinë e termocentraleve të Ukrainës për të garantuar sigurinë e tyre.

Zelensky kërkoi raketa shtesë të mbrojtjes ajrore për të mbrojtur civilët e Ukrainës – u përgjigj Trump duke thënë se do të punonte me të për këtë, por se ata do të shikonin veçanërisht atë që ishte në dispozicion në Evropë.

Bisedimet e mëtejshme do të zhvillohen në Jeddah, Arabia Saudite, në ditët në vijim, thuhet në deklaratë.

Zelensky falënderoi gjithashtu Trumpin për nxitjen për shkëmbimin e të burgosurve.

Ukrainasi pyeti edhe për fëmijët e humbur. Të dyja palët ranë dakord të punojnë për të siguruar që ata fëmijë të kthehen në shtëpi.

Presidentët udhëzuan ekipet e tyre që të ecin përpara me detajet e zbatimit të një armëpushimi të pjesshëm.

Diskutimet do të përfshijnë gjithashtu zgjerimin e çdo armëpushimi në Detin e Zi./abcnews.al