Trump thyen rekordin e vet/ Qeveria amerikane e mbyllur për 36 ditë

Mbyllja e qeverisë amerikane ka hyrë në ditën e 36-të, duke shënuar kështu një rekord që ishte vendosur në mandatin e parë të Donald Trump.

Bllokimi filloi më 1 tetor, pasi kongresi amerikan nuk ra dakord për një plan të ri buxhetor që do të financonte administratën. Që atëherë qindra mijëra punonjës kanë mbetur pa paga, ndërsa miliona amerikanë pa shërbime thelbësore.

Demokratët dhe republikanët kanë kaluar javë të tëra pa asnjë shenjë kompromisi për një marrëveshje që do i jepte fund bllokimit.

Në javët që nga fillimi i kësaj mbylljeje, ndikimet tek amerikanët e zakonshëm janë përkeqësuar.

Mijëra punonjës federalë tashmë kanë humbur pagat dhe ka frikë në rritje për ndikime në rritje në udhëtimet ajrore në të gjithë Shtetet e Bashkuara , pasi kontrollorët e trafikut ajror dhe stafi i aeroportit punojnë pa pagesë.

Ndikimet janë ndjerë edhe nga amerikanët me të ardhura të ulëta që mbështeten në shërbimet qeveritare.

Një në tetë persona në SHBA varen nga ndihma ushqimore nga Programi i Ndihmës Plotësuese për Ushqyerjen, por vetëm një pjesë e asaj ndihme po paguhet këtë muaj pasi financimi ka mbaruar.

Anëtarët e Senatit të kontrolluar nga republikanët kanë votuar vazhdimisht për të njëjtin projektligj financimi afatshkurtër për të rihapur qeverinë, por pa sukses teksa asnjë demokrat nuk ka kaluar radhët për t’i mbështetur.

Kusht për demokratët ka qenë që republikanët të bien dakord të zgjerojnë subvencionet e kujdesit shëndetësor për amerikanët me të ardhura të ulëta. Republikanët kanë rezistuar, duke akuzuar demokratët se e mbajnë peng qeverinë.

Rekordi i mëparshëm i mbylljes së qeverisë ndodhi gjatë mandatit të parë të Donald Trump si president dhe zgjati 35 ditë para se të përfundonte në vitin 2019./abcnews.al

Marketing