Vesel Demaku përballet me Austrinë, vendin ku u lind: Për mua dhe familjen time është shumë e madhe

Vesel Demaku do të përballet me Austrinë, vendin ku ka lindur dhe është rritur, në ndeshjen e Kosovës të dielën në Vjenë, transmeton albinfo.ch.

Mesfushori i Kosovës ka rrëfyer për gazetën austriake Der Standard arsyet që e shtynë të zgjedhë përfaqësimin e Kosovës para Austrisë.

Demaku ka treguar se ky vendim ka edhe një rëndësi të veçantë familjare, pasi mban emrin e gjyshit të tij, Veselit, i cili humbi jetën gjatë luftës në Kosovë.

“Kur luaj për Kosovën, për mua dhe familjen time është një gjë shumë e madhe”, ka deklaruar Demaku.

Ai ka thënë se është mirënjohës ndaj Austrisë, ku familja e tij gjeti strehim dhe ku ai u rrit. Megjithatë, përfaqësimin e Kosovës e ka përshkruar si një vendim të marrë me bindje të plotë.

Demaku ka theksuar gjithashtu se një pjesëmarrje e Kosovës në një Kampionat Botëror ose Evropian do të ishte diçka e jashtëzakonshme për vendin.

Të dielën, ai do të jetë në fushë me Kosovën pikërisht përballë Austrisë, në Vjenë./Albinfo.ch

The post Vesel Demaku përballet me Austrinë, vendin ku u lind: Për mua dhe familjen time është shumë e madhe appeared first on Albinfo.

Burimi i lajmit: albinfo.ch
Shënim: Ky material është përpunuar për qëllime informimi nga Portali Kosova.Today.