800 mijë euro i kanë kushtuar buxhetit 129 punonjësit serbë pa shkuar fare në punë

Përgatiti: Benita Zeneli

Vitin e shkuar, 129 punëtorë të komunitetit serb janë paguar pa u evidentuar fare në punë. Kjo buxhetit të Kosovës i ka kushtuar 800 mijë euro.

“Nga 199 sa ishin në vitin paraprak, në vitin 2022 kanë mbetur 129 punonjës të shpërndarë në 4 ministri, dy ministri veçse kanë marrë masa për akomodimin apo largimin apo ndaljen e pagesave për punonjës që nuk e vijojnë punën”, tha Vlora Spanca, auditore e përgjithshme.

E për pagesat e serbëve që nuk paraqitën në punë, si dhe mungesat e deputetëve në përgjithësi, u hodhën kritika mes opozitës e ekzekutivit. Nga opozita u kërkua që këto paga të mos ekzekutohen më.

Këtë vit kjo organizatë është shpallur terroriste dhe kur kjo organizatë është shpallur terroriste të gjithë ata pjesëtarë që kanë qenë pjesë e kësaj strukture, besoj që është dashur të mos paguhen më. A vazhdojnë t’i paguajmë ata njerëz që kanë punuar për institucionet që janë shpallur terroriste?”, tha deputeti i PDK-së, Rashit Qalaj.

Gjatë raportimit në Komisionin për mbikëqyrjen e financave publike, auditorja e përgjithshme njoftoi se Zyra Kombëtare e Auditimit gjatë vitit 2022, nuk ka arritur ta kryejë auditimin e pasqyrave financiare për katër komunat në veri.

Ndërsa, u theksua se borxhi shtetëror në fund të vitit të kaluar ka shënuar rritje për katër për qind.

The post 800 mijë euro i kanë kushtuar buxhetit 129 punonjësit serbë pa shkuar fare në punë first appeared on ATV.

The post 800 mijë euro i kanë kushtuar buxhetit 129 punonjësit serbë pa shkuar fare në punë appeared first on ATV.