Pavarësisht se u paralajmëruan të mos e bëjnë, çifti spanjoll kalojnë shtegun – dallgët i “marrin” me vete

Dy persona që vendosën të shpërfillin paralajmërimet për dallgët e larta dhe motin e ligë, vendosën të bëjnë një veprim që u kushtoi shtrenjtë.

Ngjarja ndodhi në Galica të Spanjës ku dyshja vendosën të kalojnë shtegun, pavarësisht se dallgët e larta dhe të fuqishme vazhdimisht po godisnin, transmeton Telegrafi.

Pamjet e publikuara më poshtë, tregojnë çiftin duke u përplasur në ujë, ndërsa turma e tronditur shikonte.

Mediat spanjolle raportojnë se Rojet Bregdetare i kanë shpëtuar ata më vonë, kurse nga ky veprim ka marrë mësimin e merituar.

Megjithatë, ata u kritikuan ashpër nga autoritetet, pasi ishin këshilluar që të mos kalojnë nëpër shteg.