Amber eliminohet nga Big Brother VIP Albania

Spektakli i së shtunës në Big Brother VIP Albania solli surpriza dhe emocione të forta për banorët, sidomos pas hapjes së Kutinës së Pandorës nga Gerta.

Duke përfituar nga e drejta e saj, ajo duhej të nominonte tre banorë, dhe zgjedhja e saj ra mbi Rozanën, Laertin dhe Amberin.

Megjithatë, ky vendim pati një efekt zinxhir: për shkak të një zgjedhjeje të mëparshme të Gjestit gjatë Valixhes së Tundimeve, Valbona dhe Laerti ishin të lidhur si një banor i vetëm.

Kjo do të thoshte se Valbona automatikisht u bë pjesë e nominimit, duke e çuar numrin e të rrezikuarve në katër.

Televotimi u hap menjëherë dhe pas disa orësh tensioni, në fund të spektaklit u shpall i eliminuari: Amberi ishte banorja që duhej të linte shtëpinë.

Largimi i saj u prit me keqardhje nga pjesa më e madhe e banorëve, të cilët shprehën trishtimin për daljen e saj.

Ky eliminim krijoi një atmosferë reflektimi në shtëpi, ndërsa lojtarët e mbetur po përpiqen të kuptojnë strategjitë dhe lëvizjet që do t’i çojnë më pranë finales.