Austria mposht Kosovën 3-1, Dardanët pësojnë humbjen e parë në Ligën e Kombeve
Kosova është mposhtur 3-1 nga Austria në stadiumin “Ernst-Happel” në Vjenë, në kuadër të xhiros së dytë të Grupit B3 të Ligës së Kombeve.
Austria kaloi në epërsi në minutën e 23-të, kur David Affengruber shënoi me kokë. Vendasit e dyfishuan avantazhin në fund të pjesës së parë, me Junior Adamu që realizoi në minutën e 45+2-të.
Në pjesën e dytë, Austria shënoi edhe golin e tretë. Carney Chukwuemeka realizoi në minutën e 61-të, duke e çuar rezultatin në 3-0.
Kosova arriti të ngushtojë diferencën përmes Edon Zhegrovës, i cili shënoi nga penalltia. Megjithatë, “Dardanët” nuk arritën të rikthehen në lojë dhe ndeshja përfundoi me fitoren e Austrisë 3-1.
Pas kësaj ndeshjeje, Kosova mbetet me tri pikë në Grupin B3, ndërsa Austria kryeson grupin me gjashtë pikë.
The post Austria mposht Kosovën 3-1, Dardanët pësojnë humbjen e parë në Ligën e Kombeve appeared first on Albinfo.
Burimi i lajmit: albinfo.ch
Shënim: Ky material është përpunuar për qëllime informimi nga Portali Kosova.Today.
