Besnik Tahiri: Loja me pagën minimale dhe shpërndarja e buxhetit të shtetit ka vetëm një emër: korrupsion elektoral

Besnik Tahiri nga Aleanca për Ardhmërinë e Kosovës tha se rritja e pagës minimale në 500 euro, e propozuar nga LVV, përbën korrupsion elektoral.

Tahiri ka akuzuar Lëvizjen Vetëvendosje se po manipulon me paratë publike të qytetarë.

“Loja me pagën minimale dhe shpërndarja e buxhetit të shtetit për përfitime thjesht partiake nga pushteti aktual, ndërkohë që për tre vite rresht është injoruar plotësisht ligji për pagën minimale dhe ai për pagat në sektorin publik, ka vetëm një emër: korrupsion elektoral. Kjo s’është politikë sociale, është manipulim elektoral me paranë publike”, ka shkruar Tahiri në një postim në Facebook.