Pse Cyrihu nuk është më motori më i fuqishëm ekonomik i Zvicrës?

Cyrihu nuk është më rajoni me ekonominë më të fuqishme në Zvicër. Sipas statistikave të reja federale, vendin e parë e ka marrë rajoni i Liqenit të Gjenevës, i cili përfshin kantonet Gjenevë, Vaud dhe Valis, transmeton albinfo.ch.

Në vitin 2024, ky rajon realizoi një prodhim të brendshëm bruto prej rreth 190 miliardë frangash, ndërsa Cyrihu arriti në 167 miliardë franga, rreth 12 për qind më pak.

Përveç humbjes së pozitës së parë, Cyrihu po përballet edhe me shqetësime për largimin e disa institucioneve financiare. Bankat Vontobel dhe Cembra kanë paralajmëruar zhvendosjen e selive të tyre në kantone të tjera, çka nënkupton edhe humbjen e rreth 2160 vendeve të punës në qendrën financiare të qytetit.

Ndërkohë, sipas të dhënave të përmendura, Cyrihu po shënon rritje më të ngadaltë ekonomike se Vaud dhe renditet vetëm në vendin e gjashtë për prodhimin e brendshëm bruto për banor./Albinfo.ch

The post Pse Cyrihu nuk është më motori më i fuqishëm ekonomik i Zvicrës? appeared first on Albinfo.

Burimi i lajmit: albinfo.ch
Shënim: Ky material është përpunuar për qëllime informimi nga Portali Kosova.Today.