EMRAT/ Vritet 43-vjeçari shqiptar në Itali, kapet autori

Një 43-vjeçar shqiptar është vrarë në Itali. Vladimir Topjana u qëllua me plumb në kokë, pasi u përfshi në një konflikt me disa persona.

Topjana ishte i ulur në një lokal, kur një automjet tip “Audi”, ngjyrë e bardhë, ndaloi para lokalit, ku zbritën dy persona, shkruan Tgcom.

Policia nisi menjëherë kërkimet për vrasësin dhe bashkëpunëtorin e tij, duke mbledhur dëshmitë e klientëve të shumtë të pranishëm në lokal në momentin e të shtënave.

Më pas vrasësi u arrestua. Burri u kap duke drejtuar automjetin Audi me të cilin kishte ikur.

Karabinierët kapën vrasësin e dyshuar, një 30-vjeçar shqiptar, mes Saciles (Pordenone) dhe kufirit me Veneton. Hetimet janë në zhvillim e sipër për të zbardhur shkaqet e ngjarjes së rëndë./abcnews.al